بیز تورکیز

تورک يني باخيش(تورک خالقینین بیر سوئیلنممیش سوزلری)

ناز ایله میسن

چوخلار اینجیکدی کی ، سن اونلارا ناز ایله میسن

من ده اینجیک کی ، منیم نازیمی آز ایله میسن

ائتمیسن نازی بو ویرانه کونولده سلطان

ائوین آباد اولا ، درویشه نیاز ایله میسن

هر باجیشدا چالیبان کیپریگی مضراب کیمی

بیر قولاق وئر ، بوسینیق قلبی نه ساز ایله میسن ؟

باشدان آچ یایلیغی ، افشان ائله سوسن – سنبل

سن بیزیم بایراممزسان قیشی یاز ائله میسن

سن گون اول ، قوی غم میز داغدا قار اولسون ، ار یسین

منیم آنجاق ایشیمی سوز و گداز ایله میسن

من بو معناده غزل یازمالی حالیم یوخوردی

سن جوجوق تک قوجانی فرفره باز ، ایله میسن

کاکلی باشدا بوروب باغلا میسان تاج کیمی

او قیزیل ساچدان اونا ، گوللی قوتاز ایله میسن

منیم آغلار گوزومی ، اوردا آراز ا ایله میسن

بو گوزللیک کی جهاندا سنه وئرمیش تانری

هر قدر ناز ائله سن ایله ، آز ایله میسن

+ یازیلمیش جمعه هفتم فروردین 1388 1:6 يازان قوشاچاي بالاسي |

پروانه و شمع

برق اولمادی ، قیزیم گئجه یاندیردی لاله نی

پروانه نین ، اودم ده باخیریم اداسینه

گوردم طواف کعبه ده یاندیقجا یالواریر

سویلور :"دوزوم نه قدر بو عشقین جفاسینه؟

یا بو حجاب شیشه نی قالد یرکی ساورولوم

یا سو ندوروب بو فتنه نی ، باتما عزاسینه "

با خدیم کی شمع سویله دی "ای عشقه مدعی

عاشق هاچان اولوب یئنه ئوز مدعا سینه ؟

بیر یار مه لقادی بیزی بیله یاندیران

صبر ایله ، یاندیران دا چاتار ئوز جزاسینه"

اما بو عشق آتشی عرشی دی ، جاندادیر

قوی یاندیریب خودینی یئتیرسین خداسینه

+ یازیلمیش جمعه هفتم فروردین 1388 0:42 يازان قوشاچاي بالاسي |

حیدر بابایا سلام

بایرام یئلی چارداخلاری ییخاندا

نوروز گلی ، قار چیچگی چیخاندا

آغ بولوتلار کوینکلرین سیخاندا

بیزدن ده بیر یاد ایلیه ن ساغ اوسون

دردلریمیز قوی دیکلسون داغ اولسون

حیدر بابا گون دالیوی داغلاسین

اوزون گولسون ، بولاخلارون آغلاسین

اوشاخلارون بیر دسته گل باغلاسین

یئل گلنده وئر گتیرسین بویانا

بلکه منیم یاتمیش بختیم اویانا

حیدر بابا ، ایگیت امک ایتیرمز

عمر کچه ر افسوس بره بیتیرمز

چرشنبه نین گردکانی ، مویزی

قیزلار دییه ر آتیل –با تیل چرشنبه

آینا تکین بختیم آچیل چرشنبه

بایرامی ، کئجه گوشی اوخوردی

آداخلی قیز بیک جورابین توخوردی

هر کس شالین بیر باجادان سوخوردی

آی نه گوزل قایدادی شال ساللاماق

بایرام اولوب ، قیزیل پالچیق ازللر

ناقیش ووروب اتاقلاری بزللر

طاقچالارا دوزمه لری دوزللر

نوروز بایرامی بوتون آذربایجان بالاسینا موتلو اولسون

+ یازیلمیش جمعه هفتم فروردین 1388 0:28 يازان قوشاچاي بالاسي |

ترکی دیلی

تورکون دیلی تک سوگلی ، ایستکلی دیل اولماز

ئوزگه دیله قاتسان ، بو اصیل دیل ، اصیل اولماز

ئوز شعرینی فارسا- عربه قاتماسا شاعر

شعری اوخو یا نلار ، ائشیدنلر کسیل اولماز

قارس شاعری چوخ سوزلرینی بیزدن آپارمیش

(صابر)کیمی بیر سفره لی شاعر ، پخیل اولماز

تورکون مثلی ، فولکلوری دنیادا تک دیر

خان یورقانی ،کند ایچره مثل دیر ، متیل اولماز

آذر قوشونی، قیصر رومی اسیر ائتمیش

کسری سوزودیر بیر بئله تاریخ ناغیل اولماز

سوزلرده جواهر کیمی دیر ، اصلی بدلدن

تشخیص وئرن اولسا بوقده ر زیر – زیبیل اولماز

بو شهریارین طبعی کیمی چیممه لی چشمه

کوثر اولا بیلسه دئمیرم ،سلسبیل اولماز

+ یازیلمیش پنجشنبه ششم فروردین 1388 0:6 يازان قوشاچاي بالاسي |

taza eiliz motlo olson.

*Yena galir nazli bahar,nazli yaz* haminin yazisin, boeil yagli yaz* jan sagligi,jib varligi,olom az* mehriban allahim bele yazi yaz. taza eiliz motlo olson.

+ یازیلمیش شنبه یکم فروردین 1388 0:12 يازان قوشاچاي بالاسي |

Noroz bayrami motle olsin

*Yena galir nazli bahar,nazli yaz* haminin yazisin, boeil yagli yaz* jan sagligi,jib varligi,olom az* mehriban allahim bele yazi yaz. taza eiliz motlo olson.

+ یازیلمیش شنبه یکم فروردین 1388 0:7 يازان قوشاچاي بالاسي |