گئجه ­نی کؤرپولردن کئچیردن

یارپاقلارین گیزلی بیتیشمه­سینی قویلادیم؛

سیزین یوخولارینیزدا

گؤیه ائنن قادینلاردیر؛

منیم کلمه­لریم سویونایاراق

بیلسین بونو انسانلار

داشا بیریکدیم

دالغالارین ایینه سیله تیکدیم

ییرتیلمیش بو یاغیشلاری

سن دوغولدون سونراسی

قیزلار «قافلانتی»–دا بایاتی ده­ره­رک

بایاتی اکه­رک

پارتلادی کؤرپولری اؤنجه

بوتون قوشلارین آدی اولدوم

رادارلارلا ایزلندیم چیرپینیردی قلبیم چونکو

اؤپموشدوم گؤزلریندن

یاشیل قوخویوردو دوداقلاریم....

گئجه­نین ان خلوت یئرینه دوشور سیگارئت­لر

من خاطیرلادیقجا خالقیمی

بولود خزه‏ر­اوغلو

تورکون دیلی

تورکون دیلی تک سوگیلی .ایستکلی دیل اولماز

اوزگه دیله قاتسان بو اصیل دیل اصیل اولماز

اوزشعرینی فارسا ـــ عربی قاتماساشاعر

شعری اوخویانلار.ائشیدنلر کسیل اولماز

فارس شاعری چوخ سوزلرینی بیزدن آپارمیش

((صابر)) کیمی بیر سفره لی.شاعر .پخیل اولماز

تورکون مثلی.فولکلوری دونیاداتک دیر

خان یورقانی.کند ایچره مثل دیر میتیل اولماز

آذرقوشونی.قیصررومی اسیرائتمیش

کسری سوزودیر بیر بئله تاریخ ناغیل اولماز

چوخ قیسا بوی اولسان اولیسان جین کیمی شیطان

چوخ دا اوزون الما کی اوزوندا عقیل اولماز

آزاد قومی اوغول عشقی طبیعتده بولونسون

داغ ـــ داشدا دوغولموش ده لی جیران حمیل اولماز

بو((شهریار)) بین طبعی کیمی چیمملی چئشمه

کوثر اولا بیلسه دئمیرم.سلسبیل اولماز

آبي دون آبي داراق
ياريمي گؤردوم باياق
قاچديم، توتا بيلمديم
سيناسان بئله آياق
آپارديلار گولومو
ائله ديلر ظولومو
نه قويدولار دانيشام
نه كسديلر ديليمي
آرازي آييرديلار
قومونان دويوردولار
من سندن آيريلمازديم
ظلمونن آييرديلار
آراز اوستده، بوز اوستده
كاباب يانار كؤز اوستده
قوي مني اؤلدورسونلر
دانيشديغيم سؤز اوستده
آراز داشي، داش داشي
قلمدي يارين قاشي
جاهيل ايله بال يئمه
عاقيلينن داش داشي
آراز قيراقي مئشه
آچ قيز دستمالين دؤشه
آراسينا گول دوزوم
دؤوره سينه بنؤوشه
آراز آخار ليل ايله
دسته - دسته گول ايله
عالمه جان باغيشلار
مني ساخلار ديل ايه
آرازين باشي منم
ديبينين داشي منم
هر يئرده غريب اولسا
اونون سيرداشي منم
آرازام كوره بندم
بولبولم گوله بندم
من بو ائوده قوناقام
بير شيرين ديله بندم
آراز - آراز خان آراز
مين گؤزدن آخان آراز
سئوگيم مينيب گمييه
گل اتمه طوفان آراز
( خالق باياتيلاري)

ائل آراسيندا

بير نغمه اوخودوم ترجمان اولدو

دانيشدي درديمي ائل آراسيندا

بير نغمه اوخودوم بولوت تك دولدو

ك ؤ رلدي دوداقلار ديل آراسيندا

آغلايا بيلميرم گوله بيلميرم

هيجران چوخ چكه جك هله بيلميرم

حسرتي انگلره بوله بيلميرم

گون گئچير آي ايله ائل آراسيندا

من بير حيات ايديم ائللي اوبالي

من بير سئوگي ايديم عهده وفالي

من بير كارايديم هايلي هارايلي

سيم قالميش بسم الله زيل آراسيندا

نه اولا سئوينجدن آغلايا گوزوم

نه اولا داغلاردا عكس ائده سسيم

باهار ياغيشينا گيره تبريزيم

يويونسون عمانلار سئل آراسيندا

مدينه گولگون