بو ماهنینی دوزلی اوغلانین وئبلاقیندان گوتورموشم. گوزل بیر ماهنیدیر.

آختاریرام

بیر دنه یار آختاریرام جیسمیمه جان آختاریرام

نه گوزل اولسون نه مارال عشقی قانان آختاریرام

نازلی نیگار،عشقه دچار،سئوملی یار،مست و خمار

بیر منه تای داش ئورگی عشقه سالان آختاریرام

مذهبی اسلام اُوزی پاک الگوسو زهرای علی

قلبی دنیز گؤزلری اُخ قاشی کامان آختاریرام

قدّی یوز آتمیش دان اوجا،لاب دا اوجا یوخ بالاجا

بویله موشخصات دا بیر غنچه دهان آختاریرام

سوزده شیرین وزنی آریخ همده کی بیر بوللی شولوخ

تجروبه سی داغجا ولی یاشدا جاوان آختاریرام

دوزلی شیرین چوخ وفالی تورک قیزی دا اولمالی دی

قوی کی دییم ساده سینی دورّ زمان آختاریرام

شاعیر : وحید شکرزاده

http://www.duzli-oghlan.blogfa.com/post-33.aspx