آي آزادليق!(اوشاق شعري)

هر يانا كي گئديرم
هريانا كي باش چكيرم
قلميم له
كاغاذلار اوسته
سنين آديني يازيرام
سنين آدينلا هر زامان ياشاياجاغام
سن ياشاسان
منده ياشاياجاغام!
سئوگيلي سؤز!
سن ياشا هر زامان ...
ووروشماقيم،
باغيرماقيم،
چاليشماقيم،
ساواشماقيم،سنين اوچون دور ...
هارايلا
بورو اؤلكه مي!
ياشا...
چوخلو ياشا ...
آي ...
آزادليق!
(آيدين تبريزاوغلو)

دنيزه دؤنمك ايسته ييرم!
ماوي آيناسينداسولارين :
بوي وئريب ، گؤرونمك ايسته ييرم!
دنيزه دؤنمك ايسته ييرم!
گمي لر گئدير آيدين اوفوقلره گمي لر گئدير!
گرگين بياض يئلكن لري دولدورماز كدر!
البت عؤمروم گمي لرده بيرگون اولسون نؤبته يئتر.
و مادام كي بير گون اؤلوم مقدر:
من سولاردا باتان بير ايشيق كيمي
سولاردا سؤنمك ايسته ييرم!
دنيزه دؤنمك ايسته ييرم!
دنيزه دؤنمك ايسته ييرم!
( شعر : ناظيم حكمت)

منيم آي غملي ديليم !

منيم آي غملي ديليم !

درده بورونموش

سنه چوخ دردلي سؤزوم وار

سنه ايللر بوْيو قان آغلاماغا بيل كي گؤزوم وار

داخي دوستاقلي گؤنول ايچره كؤزوم وار

سن آتامين ديلي‏سن ، هم ده آنامين

ائليمين ، ميللتيمين ، كيمليييمين

بايراغي سَنسَه ن

تؤركلويون شانلي نيشاني

اُولاماز نازلي ديليم من سني آتام

اؤزگه ‏لر ديلينه ، ياد ائللرينه من سني ساتام

سني آلداتماييرام

سني ايچدن سئويره‏ م

سن اگر سولغون اولاسان ، سولاسان

گؤزلريم گؤز ياشيني دالغالارام

ظولمه قارشي آخارام

كؤزه ‏ره ‏ن گؤكسوم اوديله ياخارام

ظولمه سوْن نوقطه‏ سيني قويمالييام

سنه من آند ايچَه ره ‏م

آخي تورك'ون توْرونو

آنا "تومروس " قيزييام

آي منيم غملي ديليم !

درده بورونموش

سنه من آند ايچه ره ‏م

سنه من آند ايچه ره ‏م

راضيه كاظمي كراني- قاشقاي يوردو

موغام   دشتی

سنين عشقين منی گتيردی ديله

نئجه عاشيق اولور بولبولر گوله

حسرت چکديم

سنی سئوديم

کونول وئرديم

بئله بير گوزه له

عشقی تزه له

شئعريله غزه له

کونول وئرديم شئعريله غزه له

اگر مندن آيری گزيب دولانسان

منی اوز قلبينه بيگانه سايسان

آليشارام

اود توتارام

هی يانارام من

اونودا بيلمه ره م من

سنسيز من گولمه رم

کونلومی وئرمرم

هئچ کسه من کونلومی وئرمرم

وطن اوچون بیر شعر

توپراغیما یازدیغیم شعر

کیپریک وئریر

نفس آلیر

هردن گؤلؤر

هردن آغلاییر

توپراغیما یازدیغیم شعر

وئریلیرسه قاناد توتوب اوچاجاقدیر

زنجیرلری قیراجاقدیر

مزاریمدا یاتاجاقدیر

توپراغیما یازیلان شعر.

لیلا کحالی

هایانداسان؟

کولدن یانیب دولوبدو اوجاقلار هایانداسان؟

یوخ بیر گولوش سولوبدو دوداقلار هایانداسان؟

هر ایل عزیزله دیک آقاجان شعبان اون بئشین

سسلیرله پوفله شمعی اوشاقلار هایانداسان؟

هر جومعه گلمیشیک گله سن جمکران یولون

چالدی قابار یولوندا ایاقلار هایانداسان؟

سسلیر " نبی " دوزه نمیریک آنجاق اوزاقلیقا

گلسن گلر دوباره قاچاقلار هایانداسان؟

بیزده دوزه نمیریک داها آرتیق فراقینا

سیللی له آل قالیبدی یاناقلار هایانداسان؟

*****

زرتشت یاندیران آلاوین ایستیسی گئدیب

کولدن یانیب دولوبدو اوجاقلار هایانداسان؟

غلامرضا رزمی                      www.rezarazmi.blogfa.com

ياشادا گرك

اينسانليق ائله مك چتين دن چتين

محبت گؤزلري  ياشادا گرك

اينسانسان ، گل اونوت كدري غمي

ياشاماق ايسته ين ياشادا گرك

گوللرين نازيني تيكانلار چكر

ايتيرن گؤزلرين يوللارا تيكر

آيريليق سا اوستوموزه تئز چؤكر

ياشاماق ايسته ين ياشادا گرك

محبتين نه ايلكي وار نه سونو

محبت دير آدي ، دئييشسه دونو

نادان آيدين دوشوننمز هئچ اونو

ياشاماق ايسته ين ياشادا گرك

بابك گليب بو دونيادا گئده جك

اونو سئون يوللار قان ياش تؤكه جك !

بلكه بير گون يئنه بيري دئيه جك :

ياشاماق ايسته ين ياشادا گرك ...

http://sevdun.blogfa.com

يالان دنيا

سنين بهــره ن يئين كــيم ديــر ؟
كيمينكي سن ؟ ييه ن كيم دير ؟
سنه دوغـري دئيه ن كــيم ديـر ؟

يـــالان دنيــــا ، يــــالان دنيـــا

...
ســني فــــــــــــرزانه لــر آتـــدي
قــاپيب ، ديــــوانه لـــر تــوتــدي
كــيمي آلدي ، كــيمي ســاتدي
ســــاتـــان دنيــــــا ، آلان دنيــــا

...
آتـــــي ازل داغـــا ســالــديـــق
يــورولــدوقجا ، دالــي قــالـديق
آتـــــي ســـاتديق اولاغ آلـــــديق
يه هــــر اولـــدي ، پـــالان دنيـا

...
بيري آيــنا ، بيـــري پــــاس ديـــر
بيري آيــدين ، بيري كــاس ديـر
گئجه طوي دير ، سحر ياس ديــر
گــول آچــديقدا ، ســولان دنيـــا
...

ايـــگيت لـــرين باشــين يئيه
قــوجــالار بـــوز بــاشين يئيه ن
قــــبير لــرين داشـــين يــئيه ن
ئــــــوزو يـــئنه قــــــــالان دنيــــا
...

نـه قاندين ، كيم گول اكـن ديــر
كــيم قيليج تك قان توكن ديـــر ؟
تـــيمور هـــله كـــوره كــن ديــر
چــــنگيز جــــانين ، آلان دنيــــا
...

يـــامـــان قــورقــو ييغيلايــديــن
طـــــــوفانـــلاردا بوغـــولايديــــن
نـــولـــيدي بير داغــــيلايـــديـن
بيــــزي درده ســــــــالان دنيـــا
...

چـاتيپ ، سندن كوچن كئچدي
اجــل جامين ، ايچه ن كئچــدي
اولان اولــدي ، كـئچن كــئچدي
نــــه ايســــتيرديــن اولان دنيـــا
...

بــوغـــلايدين ، دوغــات يـــئرده
دوغـــوب خـــلقي بـــوغان يئرده
اوغـــول نعشين اوغــــان يئرده
آنـــا زولفـــــين يـــــولان دنيـــــا
...

قـــازانيب هـــي تــالانيب سا
قـــالانيب هـــي جالانيب سـان
ازلـــدن چـــالـــخالانيب سان
يــــــئنه ده چــــــالخـــالان دنيـــا
...

ننه قــــارني ، ايــلك بئشيگون
قـــبرستانليق ،سـون دئشيگون
نــه ايچـــه ريــن نـــه ائشيگون
قــــارانلـــيق بيـــر دالان دنيــــا
...

ســـني بـــايقوشلار آلقشـــلار
ده لـــي ، ويـــرانه ني خوشلار
دولان عقـــله ، ســـني بوشـلار
ايچي بوشـــــــلا ، دولان دنيـــا
...

ســــنه قـــارونـــلار آللانـــــدي
قـــيزيـلدان تـــللي قــــــالاندي
بـــاتيب ظلماتـــه قـــويلانـــدي
اولـــوب تــــللي تـــــالان دنيـــــا

...
اوجـاق ايــكن سـونونموشسن
چــاناق ايــكن چـونونموشسن
نه پيس قاري ننه ايمش ســن
ناغــــيل يـــالان پــــالان دنيــــا
يـــالان دنيــــا ، يــــالان دنيـــا

یول وئرین

یول وئرین یار یوردونا ، هیجران گؤلوندن گلمیشم

بیر دنیز مجنونویام ، نیسگیل گؤلوندن گلمیشم

قلبیم ایستیر گؤزلریمدن ، یول سالا یار یوردونا

باش جنون فئیضیله ، ایستیر اوز قویا یار یوردونا

عشقه یورد اولموش جانیمدا ، دؤزمه گه یئر قالمییب

بویلانیر جان جیسم ایچیندن یئتسین ایلقار یوردونا

قورتاریب تورپاق بویاقلی قایدالاردان قامتیم

یول توتوب روحوم بدندن چاتسین اسرار یوردونا

یول وئرین یار یوردونا هیجران چؤلوندن گلمیشم

بیر دنیز مجنونویام ، نیسگیل گؤلوندن گلمیشم

اولموشام جان خسته سی جانانین آخدارماقدایام

درده چولقانمیش غمین درمانین آختارماقدایام

چاتمیشام گیزلین دیلک جان چیگنینه یوللا نمیشام

بیر جانیم وار مسلخ قربانین آختارماقدایام

من دلی ، منطق اوشاق ، سایسیز دیلک لر داش کیمی

قصد جولان ائتمیشیک ، مئیدانین آختارماقدایام

یوردونا وارماقدایام ، هیجران چؤلوندن گلمیشم

بیر دنیز مجنونویام ، نیسگیل گؤلوندن گلمیشم

حمیده رئیس زاده (سحر )

نه ائركن سنه دن دوشدو،
نييه دوشدو، نه دن دوشدو؟
بئينيم مي قووخ دن دوشدو؟
آغارما، ساچيم، آغارما.

آرزو سونسوز، عؤمور ياري ...
آرتدي آلنين قيريشلاري،
سنده اينصاف اولسون باري،
آغارما، ساچيم، آغارما.

مني غمگين گؤرسه اگر،
دوشمن گولر، دوست غم يئيه ر،
قيزلار باخيب (دايي) دئيير،
آغارما، ساچيم، آغارما.

داشدير قلبين، داشدير جانين،
يوخدور دويغون، يوخدور قانين،
هله گنجم ، سن ويجدانين،
آغارما، ساچيم،آغارما.

عؤمور گئچر، يامان گئچير،
قلبيمدن قارا قان گئچير،
داها گؤزللر يان گئچير،
آغارما، ساچيم، آغارما.

هله سسيم اوجالماييب،
ائل گوجوندن گوج آلماييب،
هله اورك قوجالماييب،
آغارما، ساچيم، آغارما.

ايلهام آدلي شهپريم وار،
يول اوستده يم، سفريم وار،
يازيلماميش اثريم وار،
آغارما، ساچيم، آغارما.
( شعر: ممد آراز)

یئنی دن بیر هاوا چال

سنی ((تارین)) آی عاشیق ؟پاسلی سا زین تاقچادان ائندیر!

کوینگیندن چیخاریب شوقیله باس باغرینا.دیندیر!

بیزه بیر تازه ناغیل.بیرتازا سوز سوله بوسازدا

آشیقا عاشیق اولان ائللرینی بیر جه سئویندیر!

شاققالاکوهنه ناغیللاردااولان اژدهانی

بیر ائیچیم وئر مگه سو مینلر یله جان آلانی!

نه زامان دئو جانینی ساخلایاجاقدیر شوشه ده!

ال اوزالت شیشه نی سال!

نعره تب.جامینی سیندیر!جانین آل!

یئنی دن بیر هاوا چال!

داش هاواسی

قیش هاواسی

ایکی قارداش هاواسی

آندلی یوداش هاواسی

ائله وور زخمه نی.سیمدن قور آتیلسین آلوواولسون

علمه شوعله یاییلسین

بوقورومو شلار آلیشسین

لئهی قالخسین.سوبولانسین

اودیله های ــکو ی اوجالسین

هاردا کار واردی ائشیتسین

نه کی لال وارسا دانیشسین

یئنی دن بیر هاوا چال !

یئنی دن بیر هاوا چال !

یادا خاطیرده دیریلت

اونو دولموش.آیاق آلتیندا از یلمیش تاریخینی

بیرده تاریخده کی داستانلارا جان وئر!

جانی وار بیر جه تکان وئر

بیزه چال آرزی گونوندن!

بیر او گوندن کی

چنلی بئلده آلاچیقلار قورولا.توفان اولا

چای.بولاغ طوغیان ائدیب چیمخیرالا.قایناشالار

اولکه دن یاد باغینا آخدیغی آرخلار قان اولا

اوبا ــ اویماق تیکیله . کیشنه یه آتلار

اوینایا گویده قیلینجلار

سیلدیریم.داش قایا آت چاپماغا بیر جولان اولا

گوجلو. قور خماز دلیلر ییغناغی بیر میدان اولا

((بللی احمد)) ئه ((دمیر چی اوغلو)) لار((ایواز بانی)) لار.

هم ده ((نیگار)) لار

((قوچ کوراوغلو))یلا چادیرا ییغیشان دووران اولا.

تولکو.چاققال یئرینه قافلان اولا

آصلان اولا

اوندا ظولمتده گونش پارلایاجاق.نور ساچاجاق

مرد.نامرد سئچیلیب اوندا سیناقدان چیخاجاق

اوندا قور خاق قاچاجاق

استادطهماسب پور  شهرک

*

آیریلیق چاغیندا گولور گوزلرین

بیلیرسن قورتولور یاخان الیمدن

ایندی کی گئدیرسن سوزوم یوخدی گئت

آللاها تاپشیردیم چئخماز دیلیمدن

*

آیریلیق چاغیندا اللرین دئییر

داها سالماگینان قولون قولوما

سنلن منیم سویوم گئتمیر بیر آرخا

سن گئت اوز یولونا من اوز یولوما

*

من ازل گوروشده بونو دوشوندوم

اللرین الیمده قالمایاجاقدیر

گوزلرین دئدیلر سنده اولان عشق

کولگه سین باشیما سالمایاجاقدیر

*

دئییردین سنله من تای توش دگیلیق

اوزونده بیلیردین چوخودوم سنه

دیلین دوتولموشدی سوز تاپانمادین

نصرتین شعرینی اوخودوم سنه

*

" گئتمک ایسته ییرسن نه دانئش نه دین

یوخ اول اوزاقلار تک دوماندا چن ده

نه ییمی سئومیشدین دئییه بیلمه دین

ایندی سه یوز عاییب گورورسن من ده"

*

پاییز آخشامیدیر چنلی بیر یولی

سن گئدیردین منی قَهَر بوغوردی

منیم اولموش عشقیم سنین هوسین

اوره گینده آیری سئوگی دوغوردی

*

بیلمیرم بو قوشلار نه دئییر منه

آنجاق بیلیرم کی اوچوب گئدیبسن

من بیر دوشرگه یدیم سنین یولوندا

بیر گون قوناقیدین کوچوب گئدیبسن

*

من دردیمی دئدیم کوچن قوشلارا

اولار بو سوزلری سنه یئتیرسین

هله ده قاییدسان گوزوم اوسته سن

بلکه سونکی بارا بره بیتیرسین

*

آما منیم چارام آغلاماق دگیل

ایندی آییلمیشام تاپارام سنی

آی منیم هجریم قوچاق نبی تک

ائللر آراسیندا قاپارام سنی

*

خان چوبان دگیلم دوشم چوللره

قویمارام کوهنه لده زامان یارامی

آند اولسون آنامدان امدیگیم سوته

آلارام سئللردن بیر گون سارامی

http://korpu.mihanblog.com/Cat/post-35.aspx