قارانلیق چؤکه جک بیزیم دونیایا
بو گئنیش دونیادا
هر کس بیر ایش گؤرجک
بیریسی اوداسیندا اوتوراجاق
و هر آخشام آیناداکی شیطانلا دانیشاجاق
بیریسی دیلی توتار توتماز
تلفونون او اوزونده کی سئوگیلی سیله دانیشاجاق
ننه م ناماز قیلاجاق
آللاهدان گونشین گلمه سین ایسته یه جک
بالاجا قارداشیم حیطده توپ اوینایاجاق
آنام سولموش چیچکلره سو وئره جک
.باجیم دونیانین بوتون عشق ماهنی لارین دینله یه جک
بو قارانلیق دونیادا هر کس بیر ایش گؤرجک
من ایسه بو دونیانین
.قارا اوریینه قیرمیزی بویا سپه جه یم

…………………….

بو آخشام یاتماغا چالیشدیم
یوخولار گؤردوم
یوخومدا گؤی اوزونده اولان ملک لر
یئره ائنمیشدیلر
سئوگیلرین اینسانلارلا پایلاشماق ایسته ییردیلر
و اورکلرین سئودیکلری اینسانلارا وئریردیلر
اما اونلار اینسانلارین اینصافسیز اولدوقلارینی بیلمیردیلر
بیر زامان اولدو کی اینسانلار ملک لرین اوریینی گئری وئردیلر
ملک لر اونلاری ترک ائدیب اوزاقلارا گئتدیلر
یئنده منیم یوخولاریمدا ملک لر یالنیزدیلار گؤی اوزونده

…………………………

  یئنه گلدی   گوللو   باهار        بایرام      ائدیر     ائللریمیز

یئنیله شیر گونلر    آیلار        گؤروشوروک دوستلارلا بیز

اوره گیمیز گولمه سه ده         اومودلارلا   دولور    داشیر

خوش گله جک آرزوسیله        سایسیز درده  دؤزور یاشیر

قارا قئش تک بیلیر بیر گون        یامان گونده     سونا  چاتار

اوزو گولر       ائل اوبانین         عاشیق اوخور قاطار قاطار

جان بوداغی    چیچکله نر          گولوش قونار     دوداقلارا

یاز نفسلی    سئوینج دولار         یاس   قوخولو       اتاقلارا

گونش گولر   بوز  بولاغا         مارال گزر      اؤز داغینی

بولبول دؤنر   گول بوداغا         چیچک به زه ر اؤز باغینی

گؤزللرین   ان   گؤزه لی        یاشیل  یوردوم  تالان اولماز

دادلیلارین ان   دادلی سی         آنا   دیلیم   اسیر      قالماز

ایندی دورو     خیاللاردا            یاشانیر شوخ   باهاریمیز

سئوگی دولو   کونوللرده          قورونورو         دیاریمیز

شنلیگیمیز       اولماسادا         یئنه     دئیب   گولمه لییک

باغچامیزدا    یئنی  آچان        گول   قدرینی    بیلمه لییک

                                                   اسماعیل جمیلی

  http://www.turfan.blogfa.com

بیزیم باهار

قاپی دؤیور  یئنه   باهار

قوجاق دولو چیچک ایلن

سئوه نلره مژده سی  وار

سئوگی دولو  اورگ ایلن

آستا  اسن          ایلیق یئللر

باغدان ایستیر موشتولوغون

یوللارینا        سو  چیله ییر

پوهره وئرن تومورجوغون

یازین  گوللو    گلیشیله

قیشا قالیر  اوز قارالیق

قوووشورو گول بولبوله

آینا بولاغ   اولور تانیق

قارا قیش تک  قارا گونلر

یوخا چیخمیر ائلده   ندن؟

یاد ائللرین      جایناغیندا

اسیر  اسیر دوغما وطن

یوزلر باهار گلیب کئچدی

اوزو گولدو       طبیعتین

یالنیز فصلی  دگیشمه دی

دردین  غمین    مصیبتین

بابک لرین        آنا یوردو

یاد اللرد ه        تالان اولدو

فضولونون       شهریارین

گول باغچاسی یازدا سولدو

دیلی یاساق    ائلی دوستاق

یاشیل یوردون گؤزو آغلار

قارا باغدان         قارا داغا

وطن دردی کؤنول داغلار

آلیب سازین    سونا بولبول

دئییر یئلما وورغون اورک

یئنی گونلر       گتیره جک

ساوالاندان      اسن  کولک

بیزیمکیدیر       گلن گونلر

باخ  اوخویور قارانقوشلار

اؤزگورلوگون    بایرامیندا

بیزیم باغدا     گوله دولار

بوغانمادی       قارا قیشدا

قار چیچگین شاختا بوران

او یاشاددی  یاز اومودون

گونلوک غمه  توتولمادان

آزادلیغین    گوللو یازین

گؤزو یولدا گؤزلور دیار

یوبانسادا      گلمه ده دیر

گول چیچکلی بیزیم باهار

http://www.fiwh.net اسماعیل جمیلی

Bahar

Bahardır deyirlər həyat canlanır

Sevdalar oyanır, könül çabalır

Ümid dəryasının buzu açılır

Arzı ceyranları durmadan qaçır

Bahardır deyirlər qalxın ayağa

Yeriyin seyrana, dolanın bağa

Seyran yerlərindən baxın uzağa

Sevgi şahinləri uçuşur dağa

Bahardır deyirlər təbiət gülür

Aydınlıq mələyi torpağı öpür

Sevda göylərində min ulduz çıxır

Qaranlıq tanrısı can çəkib ölür

Bahardır deyirlər məndə deyirəm

Elvan buludlardan paltar geyirəm

Nəsimin tellərin mərkəb edirə

Bahar diyarına qonaq gedirəm

Bahardır deyirlər Azərbaycanda

Alovlar yalmanır sonsuz hər yanda

Musiqi yüksəlir odlar içində

Lalələr açılır həsrətli canda

Sarxanlı Paşa bahar 1991

فارسي قيريلداتما ديلين وارسنين

فارسي قيريلداتما ديلين وارسنين

سن اگر بولبولسن گولون وارسنين

قهرمان خلقيميز گؤزتيكيب سنه

فرهنگي تالانميش ائلين وارسنين

سن گؤزه‌ل سوناسان هر سويا دوشمه

اوزمگه دوم دورو گؤلون وارسنين

اگر بولود اولسان ياغ قوراخليقا سويا

حسرت قالميش چؤلون وارسنين

»ياغ اولوب يانديرما يادلار چيراغين

« قارانليق آيلارين، ايلين وارسنين

دئميرم فارسيجا يازابيلميرسن

چوخ گؤزه‌ل يازيرسان الين وارسنين

آممانئجه دئييم فارسي‌دان گؤزه‌ل

قيلينج كيمي كسگين ديلين وارسنين

»سعدي«ني »حافظ«ي چوخدا ازديرمه

معجز« ون و ورغونون لعلي‌ن وارسنين

آرخالان بابكه رستم نه چي‌دير؟

دانالار باسماقا كلينوارسنين

نسيمي،خطايي واقف، فضولي

»دده قورقود« كيمي اولون وار سنين»

اؤزه‌يئر هابيلين سازين كامانين

بولبول چهچهه‌لي تئلين وارسنين

ايزين داش دؤورونه گئديب يئتيشيب

سومئرلره باغلي تئلين وارسنين

سولور اؤز باغين‌دا گوللر، چيچك‌لر

وئرمه تيكان لارا گولون وارسنين

آي عاشيق چال اوخو آنا ديلين‌ده

سازين‌دا خوش بمين زيلين وارسنين

توركو نغمه ايستير يانيق كونلوموز

سدي ييخ قوي گه‌له سئلين وارسنين\

پاشالار باغيندا بوقوللوق نه‌‌دير؟!

اونودمابير »چنلي بئلين« وارسنين

شاعيرلر جوشدوران سولو،

صفالي آرازين، موغانين ميلين‌وار سنين

وورولما يادلارين گؤزللرينه

ائلين ده چوخ اينجه بئلين وارسنين

سن يوگور ميدانا

»كور اوغلو« كيمي مين لرله‌هاي باسان ده‌لين وارسنين

»دورنا« سان قاققيلداسس وئر

سسيمه قاطاردان آيريلما يولون وارسنين

اَلين وئر اليمه داغلار آشيراق بيليرم

قدرتلي قولون وارسنين

»شامي« يم يالقيزام يوخدور كومگيم

گه‌ل اكك بو باغي بئلين وارسنين

دايانما شعريمين تئز وئر جوابين

اگر بوميداندا فعلين وارسنين