| تبليغات | X |
|
تورک يني باخيش(تورک خالقینین بیر سوئیلنممیش سوزلری)
|
ناز ایله میسن
چوخلار اینجیکدی کی ، سن اونلارا ناز ایله میسن
من ده اینجیک کی ، منیم نازیمی آز ایله میسن
ائتمیسن نازی بو ویرانه کونولده سلطان
ائوین آباد اولا ، درویشه نیاز ایله میسن
هر باجیشدا چالیبان کیپریگی مضراب کیمی
بیر قولاق وئر ، بوسینیق قلبی نه ساز ایله میسن ؟
باشدان آچ یایلیغی ، افشان ائله سوسن – سنبل
سن بیزیم بایراممزسان قیشی یاز ائله میسن
سن گون اول ، قوی غم میز داغدا قار اولسون ، ار یسین
منیم آنجاق ایشیمی سوز و گداز ایله میسن
من بو معناده غزل یازمالی حالیم یوخوردی
سن جوجوق تک قوجانی فرفره باز ، ایله میسن
کاکلی باشدا بوروب باغلا میسان تاج کیمی
او قیزیل ساچدان اونا ، گوللی قوتاز ایله میسن
منیم آغلار گوزومی ، اوردا آراز ا ایله میسن
بو گوزللیک کی جهاندا سنه وئرمیش تانری
هر قدر ناز ائله سن ایله ، آز ایله میسن
پروانه و شمع
برق اولمادی ، قیزیم گئجه یاندیردی لاله نی
پروانه نین ، اودم ده باخیریم اداسینه
گوردم طواف کعبه ده یاندیقجا یالواریر
سویلور :"دوزوم نه قدر بو عشقین جفاسینه؟
یا بو حجاب شیشه نی قالد یرکی ساورولوم
یا سو ندوروب بو فتنه نی ، باتما عزاسینه "
با خدیم کی شمع سویله دی "ای عشقه مدعی
عاشق هاچان اولوب یئنه ئوز مدعا سینه ؟
بیر یار مه لقادی بیزی بیله یاندیران
صبر ایله ، یاندیران دا چاتار ئوز جزاسینه"
اما بو عشق آتشی عرشی دی ، جاندادیر
قوی یاندیریب خودینی یئتیرسین خداسینه
حیدر بابایا سلام
بایرام یئلی چارداخلاری ییخاندا
نوروز گلی ، قار چیچگی چیخاندا
آغ بولوتلار کوینکلرین سیخاندا
بیزدن ده بیر یاد ایلیه ن ساغ اوسون
دردلریمیز قوی دیکلسون داغ اولسون
حیدر بابا گون دالیوی داغلاسین
اوزون گولسون ، بولاخلارون آغلاسین
اوشاخلارون بیر دسته گل باغلاسین
یئل گلنده وئر گتیرسین بویانا
بلکه منیم یاتمیش بختیم اویانا
حیدر بابا ، ایگیت امک ایتیرمز
عمر کچه ر افسوس بره بیتیرمز
چرشنبه نین گردکانی ، مویزی
قیزلار دییه ر آتیل –با تیل چرشنبه
آینا تکین بختیم آچیل چرشنبه
بایرامی ، کئجه گوشی اوخوردی
آداخلی قیز بیک جورابین توخوردی
هر کس شالین بیر باجادان سوخوردی
آی نه گوزل قایدادی شال ساللاماق
بایرام اولوب ، قیزیل پالچیق ازللر
ناقیش ووروب اتاقلاری بزللر
طاقچالارا دوزمه لری دوزللر
نوروز بایرامی بوتون آذربایجان بالاسینا موتلو اولسون
ترکی دیلی
تورکون دیلی تک سوگلی ، ایستکلی دیل اولماز
ئوزگه دیله قاتسان ، بو اصیل دیل ، اصیل اولماز
ئوز شعرینی فارسا- عربه قاتماسا شاعر
شعری اوخو یا نلار ، ائشیدنلر کسیل اولماز
قارس شاعری چوخ سوزلرینی بیزدن آپارمیش
(صابر)کیمی بیر سفره لی شاعر ، پخیل اولماز
تورکون مثلی ، فولکلوری دنیادا تک دیر
خان یورقانی ،کند ایچره مثل دیر ، متیل اولماز
آذر قوشونی، قیصر رومی اسیر ائتمیش
کسری سوزودیر بیر بئله تاریخ ناغیل اولماز
سوزلرده جواهر کیمی دیر ، اصلی بدلدن
تشخیص وئرن اولسا بوقده ر زیر – زیبیل اولماز
بو شهریارین طبعی کیمی چیممه لی چشمه
کوثر اولا بیلسه دئمیرم ،سلسبیل اولماز
من که سلطان غدیرم
حجت حی غدیرم
من که آزاده امیرم
غم زهراده اسیرم
الله الله نه لر اولدی
مرتضی خون جگر اولدی
فاطمه گیتدی الیمدن
باعثی میخ در اولدی
گول آلوب درمدی زهرا
هدیه گوندرمدی زهرا
محسنی گورمدی زهرا
اونا صود وئرمدی زهرا
ای مدینه هانی زهرا
**************
صبا حسینه وئر خبر
قیزین رقیه جان وئریر
سنین کفن سیز اولماقون
خرابه ده نشان وئریر
حسین یارالی قلبمی
گل ایندی یاره سین بیتور
بالامی قبره قویماقا
ائوزون خرابیه یتور
منی سویوبلار باری سن
گلنده بیر کفن گتور
سنین کفن سیز اولماقون
خرابه ده نشان وئریر
عمه بو ویران سراده
بیر دُرشاهانی یم من
سیز اگر بئش گون قوناقسیز
بوردا صاحب خانه یم من
شام قیزلارون دئیرله ر
بو قیزین یوخدی آتاسی
حالمی ایله ر حکایت
گول یوزی کهنه لباسی
باشیمه سن ال چکنده
قلبیمون آرتور صفاسی
باشیمه تئز تئز الون چک
اللرون قربانییم من
چیله اخشامی هر کسه موتلو اولسین
